ප්‍රමාණාත්මක සමීක්ෂණයක් ඔස්සේ මැන බැලිය හැකි ප්‍රතිසන්ධානය විෂයෙහිදී, සියලුම වැදගත් ගැටළු නියෝජනය කිරීම සඳහා බැරෝමීටර් මුල්පිරුම නිර්මාණය කොට ඇත. මෙම සමීක්ෂණය මගින් ප්‍රතිසන්ධානය නිර්වචනය කිරීමට උත්සාහ නොකරයි. සංකල්පීයව සහ අනුභූතීන් ඔස්සේ දක්වන්නේ නම්, ප්‍රතිසන්ධානය බහුවිධ මුහුණුවරින් යුක්ත වන අතර, ඊට තනි අර්ථ නිරූපණයක් පමණක් ලබාදීම කළ නොහැක්කක් වෙයි. තවදුරටත් දක්වන්නේ නම්, එය එක් එක් සන්දර්භයන්ට විශේෂිත වන අතර, වඩාත් පුළුල් පරාසයක අත්දැකීම්, ප්‍රයත්නයන් හා අවස්ථාවන් කැටි කොට ගනී.මෙය, ජාත්‍යන්තරව සහ දේශීයව ප්‍රතිසන්ධානය, සාමය ගොඩනැංවීම හා සමාජ සහජීවනය සම්බන්ධයෙන් දක්නට ලැබෙන ශාස්ත්‍රීය පළ කිරීම් ඔස්සේ ද පෙනී යන කරුණකි.

• ශ්‍රී ලංකාවේ ප්‍රතිසන්ධානය සවිබල ගැන්වීමේ ක්‍රියාවලිය සම්බන්ධ ව්‍යාපෘතිය (SRP) මගින් සමීක්ෂණයේ ප්‍රතිඵල/සොයාගැනීම්/දත්ත, කෙටි කාලීනව සහ දීර්ඝ කාලීනව, ශ්‍රී ලංකාවේ ප්‍රතිසන්ධාන ක්‍රියාවලිය විෂයෙහි එන බරපතළ ගැටළු සම්බන්ධයෙන් මහජන සංවාදයක් ඇති කිරීමට යොදාගැනෙනු ඇත.
• එතැනින් ඔබ්බට, මෙම සමීක්ෂණ ප්‍රතිඵල, විශාල පරාසයක පාර්ශවකරුවන් විසින් භාවිතා කෙරෙනු ඇත. රාජ්‍ය ආයතනයන්හි සේවය කරන්නන්, සංවර්ධන ක්ෂේත්‍රයේ සංවිධාන, පෞද්ගලික අංශය මෙන්ම පොදු ජනතාවද, මෙම ප්‍රතිඵල භාවිතා කරනා පාර්ශවකරුවන්ට අයත් වනු ඇත.
• මෙම සමීක්ෂණයේ ප්‍රතිඵල ලිඛිත වාර්තාවක ආකාරයෙන් මෙන්ම, සමාජ මාධ්‍ය ඇතුළු විවිධ මාර්ගගත මූලාශ්‍ර ඔස්සේත්, එසේම SRP වෙබ් අඩවිය ඔස්සේත්, ප්‍රශ්නාවලියද සමගින් ලබාගැනීමට හැකිවනු ඇත. මෙම සියලු සම්පත්, ශ්‍රී ලංකාවේ භාෂා තුනෙන්ම ලබාගැනීමට හැකිවනු ඇත.
• මෙහිදී අවධානයට ගැණෙන ගැටලුවල සංවේදීතාවය හේතුවෙන්, එක්රැස් කරනු ලබන මුල් දත්ත බාහිර ප්‍රයෝජනය සඳහා ලබාගැනීමට හැකි නොවනු ඇත. කෙසේ වෙතත්, යම් යම් අවස්ථාවන් අනුව, එම මුල් දත්ත ලබාගැනීම සඳහා සිදුකරන ඉල්ලීම් සලකා බැලෙනු ඇත.

අසත්‍ය ප්‍රවෘත්ති සහ සම්පූර්ණයෙන්ම පදනම් විරහිත අසත්‍යයන් ඇති මෙවැනි යුගයක, මෙම සමීක්ෂණය මගින්, තම හඬ අවදි කරන්නට කිසිදු මාර්ගයක් නොමැති පුරවැසියන්ට තම අදහස් ප්‍රකාශ කිරීමටත්, ඔවුන්ගේ හඬ අවදි කිරීමටත් ඉඩ සලසනු ඇත. මෙම සමීක්ෂණයට, ප්‍රතිසන්ධානය විෂයෙහි පුළුල් පරාසයක ගැටලු සම්බන්ධයෙන් ජනතාවගේ අදහස් ඇතුළත් වනු ඇති අතරම, මෙම ගැටලු සම්බන්ධයෙන් ජනතාව සැබවින්ම සිතන්නේ කුමක්ද යන්න පිළිබඳවද මෙම සමීක්ෂණය හෙළිදරව් කරනු ඇත. පොදුවේ ලබාගැනීමට ඇති ඕනෑම පුවත් හා තොරතුරු මෙන්ම, මෙම සමීක්ෂණ ප්‍රතිඵලද අයෙකුට දේශපාලන න්‍යායපත්‍රයන් ක්‍රියාත්මක කිරීම උදෙසා අනිසි ලෙසින් භාවිතා කිරීමේ හැකියාවක් පවතී. කෙසේ නමුත්, මෙම ප්‍රතිඵල භාවිතා කරන්නේ කෙසේද යන වග අධීක්ෂණය කරන බවටත්, එසේ ප්‍රතිඵල භාවිතා කරන ආකාරයන් දිගින් දිගටම ලේඛනගත කොට තබන බවටත් අපි සහතික වන්නෙමු.

• ශ්‍රී ලංකා බැරෝමීටර් මුල්පිරුම ක්‍රියාත්මක කිරීම, ප්‍රතිසන්ධානයට අදාළ ගැටලු සහ ක්‍රියාවන් සම්බන්ධයෙන් මහජනතාවගේ අදහස් ලබාගැනීමට ලැබෙන අවස්ථාවකි. මෙම අදහස්, රාජ්‍ය පාර්ශවකරුවන් ඇතුළුව පුළුල් පරාසයක පාර්ශවකරුවන් විසින් ශ්‍රී ලංකාවේ ප්‍රතිසන්ධානය සඳහා වන ප්‍රයත්නයන් වැඩිදියුණු කිරීම සඳහා සකස් කොට ඇති ක්‍රියාවලීන් දැනුම්වත් කිරීමට භාවිතා කළ හැක. ප්‍රතිසන්ධාන ක්‍රියාවලීන් තුළ සිටිනා විවිධ පුද්ගලයින් සහ විවිධ ආයතන හා කටයුතු කිරීමේදී ලැබී ඇති අත්දැකීම් ඇතුළත්ව, ප්‍රතිසන්ධානයට අදාළ පුළුල් පරාසයක ගැටලු සම්බන්ධව සිය මතය බෙදාහදා ගැනීමට මහජනතාවට හැකියාව ඇත.
• උදාහරණ ලෙසින් දක්වන්නේ නම්, අප සමාජය තුළ වර්ධනය වී ඇති අසමානතාවය පිළිබඳව සමාන/වෙනස් දෘෂ්ටීන්, වාර්ගිකව එකිනෙකාගෙන් වෙනස් පුද්ගලයින් අතර ඇති බව දැන ගැනීම, අරගලයෙන් සහ යුද්ධයෙන් පීඩාවට පත් අයවලුන්ගේ අවධානය ඇදබැඳ ගන්නා කරුණක් විය හැක. එසේත් නැතිනම්, යුද්ධයෙන් සෘජුව පීඩාවට පත් නොවූ ප්‍රදේශ වල වාසය කරනා බොහෝ දෙනෙකු, දේශපාලඥයින් නිසා නොවේ නම් සැම දෙනාට එකිනෙකා සමගින් හොඳින් කටයුතු කරමින් එකට වාසය කරන්නට තිබුණේ යැයි විශ්වාස කරන බව දැන ගැනීමද, එවැනිම අවධානයට ලක් වන කරුණක් විය හැක.